Kimlar xususiy pulli tibbiyot muassasalarida bepul davolanishi mumkin?

Amaldagi qonunchilikka ko‘ra, xususiy tibbiyot muassasalari tomonidan aholining quyidagi ijtimoiy himoyaga muhtoj qatlamlariga (stomatologiya va kosmetologiya xizmatlaridan tashqari) bepul tibbiy xizmatlar ko‘rsatiladi:
— o‘zgalarning parvarishiga muhtoj bo‘lgan yolg‘iz keksalar va yolg‘iz yashovchi keksalar;
— I va II guruh nogironlari, nogiron bolalar;
— muomalaga layoqatsiz va muomala layoqati cheklangan fuqarolar;
— ijtimoiy ahamiyatga molik kasalliklarga chalingan shaxslar;
— yetim bolalar va ota-ona qaramog‘idan mahrum bo‘lgan bolalar.