Uzbekistan Airways nafaqa yoshidagi yo'lovchilar uchun aviachiptalarga 25 foiz chegirma e'lon qildi

60 yoshdan oshgan erkaklar va 55 yoshdan yuqori ayollar uchun turizm oyligi munosabati bilan aviakompaniya 1-noyabrdan boshlab 30-noyabrga qadar amalga oshiriladigan barcha ichki aviaqatnovlarning ekonom-klassi uchun (Т-klass va undan yuqori) aviachiptalarining amaldagi narxiga 25% chegirma taqdim etadi.

Chegirmali aviachiptalarni Uzbekistan Airways Sales filiali yoki O‘zbekistonda joylashgan aviakompaniya agentlaridan xarid qilishingiz mumkin. Aviachipta sotib olayotganda yoningizda pasport yoki ID karta bo‘lishi kerak.