Yangi tug'ilgan chaqaloqlar voyaga yetgunga qadar  dollarda pul to‘lash rejalashtirilayotgani rostmi?

Qozog‘istonda bola tug‘ilishi bilan unga bank hisob raqami ochilib, u 18 yoshga kirguniga qadar hisob raqamiga davlat tabiiy resurslari daromadlaridan pul o‘tkazib turiladi. Bu Qozog‘iston Moliya vazirligining 2024 yildan boshlab mamlakatda ishga tushirish reja qilingan “Bolalar milliy jamg‘armasi” loyihasi tafsilotlarida nazarda tutilgan. Bu haqda mamlakat Moliya vaziri o‘rinbosari Dauren Temirbekov xabar berdi.

Loyihaga ko‘ra, har bir Qozog‘iston fuqarosiga tug‘ilganida avtomatik ravishda dollarda omonat hisobi ochiladi. Har yili 1 yanvar kuni ushbu hisob raqami davlat tabiiy resurslarni qazib olishdan olingan mablag‘lar hisobidan to‘ldiriladi.