Navoiyda ota farzandiga bir buyragini berdi
Respublika shoshilinch tibbiy yordam ilmiy markazining Navoiy filialida murakkab jarrohlik amaliyoti — buyrak transplantatsiyasi amalga oshirildi.
Bemor Jo‘raqulova Ruxshona Murodullo qizi — Qiziltepa tumanidan. U ko‘p yillardan beri buyrak yetishmovchiligidan aziyat chekib kelayotgan edi. So‘nggi paytlarda esa ahvoli yanada og‘irlashdi. Shifoxonaga murojaat qilganida mutaxassislar unga so‘nggi chora sifatida transplantatsiya amaliyotini tavsiya etdi.
Donorlik uchun otasi — Murodullo Botirovning tibbiy tahlil natijalari mos keldi. Ota bu tanlov oldida ikkilanib o‘tirmadi. Farzandiga bir buyragini berishga qaror qildi.
Operatsiya 4 soatdan ko‘proq vaqt davom etdi. Uni Respublika shoshilinch tibbiy yordam ilmiy markazi, Qiziltepa TTB va viloyat filiali jarrohlari o‘zaro hamkorlikda bajarishdi.
Muhimi, amaliyot muvaffaqiyatli yakunlandi. Shifokorlarning so'zlariga ko'ra, hozirda bemorning ham, donorning ham ahvoli yaxshi.
Aytish joizki, ushbu buyrak transplantatsiyasi viloyatda o‘tkazilgan shu turdagi to‘rtinchi noyob amaliyotlardan biri.
Комментарии (1)