Abituriyentlar haydovchilik guvohnomasi bilan testga kirsa bo‘ladimi?

 Bilim va malakalarni baholash agentligi imtihonga pasport (ID karta) bilan kelish kerakligini aytgandi. Aslida abituriyentlar test sinovlariga quyidagi shaxsni tasdiqlovchi hujjatlar bilan kirishlari mumkin:

-Biometrik pasport (yashil rangli);

- ID-karta;

- Xorijga chiqish pasporti (qizil rangli);

- Haydovchilik guvohnomasi (faqat yangi shakldagisi bo‘lsagina);

- Harbiy xizmatchilar uchun harbiy guvohnoma (harbiyda ishlamaydiganlar uchun qabul qilinmaydi).

Yuqoridagilar O‘zbekiston Respublikasi hududida shaxsni tasdiqlovchi rasmiy hujjatlar hisoblanadi va ularning istalgan biri bilan test sinovlariga kirishingiz mumkin. Hujjat bilan birga abituriyent ruxsatnomasini ham olishni unutmang.