O‘zbekistonliklar Slovakiyaga ishga taklif qilinmoqda

O‘zbekiston fuqarolari Slovakiyadagi mehmonxona xizmatchisi ishlariga taklif etilmoqda. Bu haqda Tashqi mehnat migratsiyasi agentligi axborot xizmati xabar bermoqda. 
Ma’lum qilinishicha, ish turi mehmonxona xizmatchisi. Quyidagi imkoniyatlar mavjud:
ish haqi 600 yevro (soliqlar to‘langandan keyin);
ish vaqti: oyiga 210 soat;
barcha xarajatlar ish beruvchi hisobidan.
Talablar:
25 yoshdan 45 yoshgacha;
tajribaga ega bo‘lish;
rus yoki ingliz tilida so‘zlasha olish;
sudlanmaganlik;
O‘zbekistondan chetga chiqishga taqiq yo‘qligi.